Interi dhe Manchester United vazhdojnë tratativat për portierin Andre Onana. Gardiani i zikaltërve shihet si i duhuri për të zëvëndësuar David De Gea dhe “djajtë” kanë ofruar rreth 40 milionë euro për shërbimet e tij, por Interi kërkon minimumi 50 milionë për kamerunasin.
Nëse Interi e shet Onana te Manchester United, një nga profilet e ndjekura është ai i Anatoliy Trubin, numri një i Shakhtar Donetsk dhe kombëtares së Ukrainës. 199 centimetra i gjatë, i lindur në vitin 2001, kontrata e tij skadon në vitin 2024 dhe ai nuk duket i gatshëm të rinovojë me Shakhtarin.
Udinese tentoi ta blinte duke paraqitur një ofertë prej 6 milion euro, por ajo u refuzua. Mund të jetë një investim për të ardhmen, ndoshta i mbështetur nga një portier më me përvojë në Serinë A.
Lexo gjithashtu
