Carlo Ancelotti duket se po luan ndeshjen e fundit në “Santiago Bernabeu” në stolin e Real Madrid. Tekniku italian është vënë nënpresion, pasi tashmë Barcelona e ka thuajse të fituar titullin kampion në La Liga.
Ancelotti po lidhet gjithmonë e më shumë se do të marrë në dorë frenat e Brazilit dhe në këto kushte te “Los Blancos” kanë nisur të qarkulojnë edhe emrat e kandidatëve që do të mund të zënë vendin e italianit.
Sipas Manu Sainz nga mediumi “Diario AS”, Real Madridi pritet të kthehet tek njohjet e vjetra si Zinedine Zidane, Jose Mourinho dhe Raul Gonzalez, duke i lidhur me këtë pozicion.
Menaxheri i Real Madrid Castilla, Raul u vu re gjithashtu si një pasardhës i mundshëm nga Cadena SER, me këtë medium që shton edhe emrat e Alvaro Arbeloa, Mauricio Pochettino dhe Xabi Alonso.
Lexo gjithashtu
