Jasir Asani është zyrtarizuar në Suedi dhe tashmë është gati të japë kontributin e tij për skuadrën e AIK Stokholm. Mëngjërashi, i huazuar nga Partizani, ka marrë vëmendjen e veçantë nga klubi suedez që në kanalin zyrtar i kushton rëndësi 24-vjeçarit që pritet të debutojë në miqësoren e nesërme që do të zhvillohet në orën 18:00.
Përpos fotove të publikuara të lojtarit me fanelën e AIK, bie në sy përshkrimi i klubit suedez ku thekson: "Nesër, ndër të tjerë, do të shohim për herë të parë blerjen e janarit, Jasir Asani".
Kujtojmë që mesfushori është huazuar me të drejtë blerje nga Partizani deri në fund të sezonit. Nëse gjithçka do të shkojë pozitivisht për të, atëherë suedezët duhet të derdhin në arkat e klubit të kuq një shumë të majme për të marrë përfundimisht kartonin e tij.
Lexo gjithashtu
