Agim Cana i befason të gjithë. Babai i kapitenit legjendar të kombëtares Shqiptare ka vendosur të jap dorëheqjen nga posti i presidentit të Vëllaznimit.
Dënimi me 6 muaj nga Komisioni i Disiplinës për mos-ushtrim të detyrës pas deklaratave të tij në dhomat e zhveshjeve, ku akuzonte se ndeshja 'Trepça '89 - Vëllaznimi' ishte trukuar, duket se e ka detyruar ish-futbollistin e Prishtinës të jap dorëheqjen.
Burime të "Indeksonline" bëjnë të ditur që së bashku me Canën do të dorëhiqet një pjesë e madhe e kryesisë aktuale.
Cana u emërua president i "kuqezinjëve" në janar të vitit 2018 dhe në sezonin që sapo u mbyll synimi kryesor i tij ishte kthimi i Vëllaznimit në Superligë. Por gjakovarët nuk arritën objektivin pasi humbën 4-2 në ndeshjen vendimtare të play-out kundër Trepçës 89.
Lexo gjithashtu
