Milot Rashica nënshkroi dje një kontratë me Norwich City në Angli. Lojtari kosovar la Werder Bremen, për të kaluar kështu në Premier League. Rreth këtij transferimi ka folur edhe trajneri i Norwich, Daniel Farke. Farke shprehet i lumtur për këtë afrim, ku thekson se është mposhtur konkurrenca e disa ekipeve të mëdha.
“Shumë klube të mëdha kanë qenë të interesuar në nënshkrimin e tij gjatë sezoneve të fundit dhe ai ishte shpesh i lidhur me një lëvizje të madhe parash.Ai ka shënuar dhe asistuar shumë dhe megjithëse është i ri, ai ka luajtur shumë ndeshje në nivelin e lartë.Me Milotin kemi një lojtar shumë interesant dhe ne jemi të kënaqur që kemi mundur ta sjellim atë në Norwich City” – tha ai.