Kinezët "Suning" blenë sot klubin e Interit, duke premtuar për një merkato të fuqishme që do ta ngjisë ekipin zikaltër në krye të majave të futbollit europian. Është vetë aksioneri Tohir i cili ka folur për tri blerje të reja në skuadrën Interiste.
"Suning mund të blejë Gabriel Zhesus, jemi shumë të sigurtë. Gjithashtu po shofim edhe mundësitë për të afruar në klubin tonë edhe Berardin me Kandrevan. Do të bëjmë 2-3 blerje, jo 7-8".
Për Kandrevan dhe Berardin ka kohë që flitet, pasi janë lojtarë të serisë A. Por Gabriel Zhesus, do të ishte një blerje e zgjuar e zikaltërve duke parë moshën e re të futbollistit, i cili është vetëm 19 vjeç dhe luan në Brazil për skuadrën e Palmeirasit.
Ai luan në sulm, dhe krahasohet me Nejmarin. Nëse kjo blerje do të konkretizohet, do të ishte goditja më e madhe e skuadrës milaneze vitet e fundit.
Lexo gjithashtu
