Jasir Asani është nisur drejt Shqipërisë. Sulmuesi i Kombëtares, i cili ishte një nga protagonistët kryesorë në ndeshjet kualifikuese të Euro 2024 ka vendosur t’i bashkohet menjëherë grupit të kuqezinjve.
Diçka të tillë e ka bërë të ditur vetë mëngjarashi, i cili në rrjetet sociale ka postuar një foto, ku në sfont duket avioni. Gjithashtu ish-i i Partizanit e ka shoqëruar me flamurin kuqezi dhe më një emoi në formë zemre.
Kujtojmë se Asani ishte një nga protagonistët e kualifikimit të kuqezinjve në Gjermani, i cili me golat e tij jo vetëm mori zemrat e gjithë shqiptarëve, por bëri dhe UEFA-n të “dashurohej” pas “perlave” të tij.
Kombëtarja shqiptare do të luajë gjatë këtij muaji dy ndeshje miqësore me Kilin me 22 mars dhe me Suedinë 2 ditë më vonë. Në listën e publikuar të Sylvinhos nuk kishte si të mungonte “idhulli” i tifozëve shqiptar, i cili është “makthi’ i çdo kundërshtari që kuqezinjtë kanë luajtur, i cili me shumë gjasa do të na dhurojë të tjerë gola spektakolarë në dy sfidat e radhës.
[caption id="attachment_729206" align="alignnone" width="469"]
Postimi i Jasir Asanit[/caption]
Lexo gjithashtu
