UEFA ka dalë me një qëndrim zyrtar rreth dënimit të presidentit të Federatës së Futbollit të Kosovës, Agim Ademi.
Institucioni më i lartë i futbollit europian është shprehur se nuk mund të flasë në lidhje me vendimin e Gjykatës Themelore të Prishtinës, përderisa ende s'ka vendim të formës së prerë. Kreu i FFK-së ka apeluar vendimin e asaj gjykate që e dënon me 9 muaj burgim dhe kësisoj UEFA s'mund të komentonte më shumë.
"UEFA nuk ka koment pasi vendimi është subjekt i apelit dhe kësisoj nuk është final", thuhet në përgjigjen zyrtare të UEFA-së për gazetën Olle.
Kujtojmë që Ademi u dënua me 9 muaj burg, ndërsa tashmë çështja ka kaluar në duart e Gjykatës së Apelit.
Poll
Lexo gjithashtu
