Vendimi më i fundit që është marrë nga Bradley Wiggins, fituesi i 8-të titujve botërore dhe 5 medaljeve të arta olimpike ka tronditur të gjithë.
Çiklisti ka vendosur të lërë përgjithmonë këtë sport, duke mbyllur këtu karrierën e tij. 36-vjeçari është një ndër çiklistët më të mirë në botë, me 7-të medalje olimpike.
Lajmin për tërheqjen e ka bërë të ditur ai vetë, duke shkruar një status në "Facebook", ku njofton të gjithë ndjekësit e tij për mbylljen e karrierës.
“Kam pasur fatin e madh të jetoj një ëndërr dhe të realizoj aspiratat e fëmijërisë, fatin për të pasur një jetë dhe një karrierë në sportin me të cilin u dashurova kur isha 12 vjeç. Kam njohur idhujt e mi dhe kam garuar me ta gjatë këtyre 20 viteve të fundit. Kam punuar me trajnerët më të mirë dhe menaxherët më të mirë në botë, të cilët do t’i falënderoj gjithmonë për mbështetjen e tyre. 2016 ishte hapi i fundit i kësaj ecurie”.
Lexo gjithashtu
