Rey Manaj ka rigjetur formën e tij më të mirë në Turqi. Sulmuesi shqiptar qëndroi gati 8 muaj pa skuadër duke dalë totalisht nga ‘busulla’ e Kombëtares. Në fund të merkatos së verës, Manaj u transferua në Turqi te skuadra e Sivasspor. Ky kalim i ka dalë për mirë lushnjarit i cili po shkëlqen në kampionatin turk.
Bomberi 26-vjeçar ka shënuar plot 8 gola në vetëm 13 ndeshje këtë sezon, i fundit përballë gjigantëve të Fenerbahce në fundjavën që lamë pas. Forma e tij fantastike sigurisht nuk mund të lihet pa u studiuar nga stafi i Kombëtares shqiptare.
Me UEFA-n që vendosi të thirren vetëm 23 lojtarë në Europian e jo 26 siç ndodhi në periudhën post-pandemi, Sylvinho do të përjetojë një ‘makth’. Reparti i sulmit është i mbipopulluar te kuqezinjtë dhe shumë prej tyre duhet të qëndrojnë jashtë.
Rey Manaj deri tani është golashënuesi më i mirë nga lojtarët e Kombëtares pas Ernest Muçit dhe nëse vijon me këtë formë mund të ketë ndonjë shqyrtim edhe nga braziliani i pankinës kuqezi.
Lexo gjithashtu
