Redon Xhixha po kalon një formë fantastike me Qarabag. Sulmuesi shqiptar është bërë protagonisti kryesor i kampionëve të Azerbajxhanit në kualifikueset e Champions League duke shënuar plot 4 gola në 3 ndeshje. Mbrëmjen e djeshme, ish-sulmuesi i Tiranës shkëlqeu duke shënuar 2 golat e vetëm në humbjen e azerëve ndaj kampionëve polak, Rakow. Një supergol me kokë ku kërceu mbi të gjithë dhe një tjetër i veçantë me gjoks në rrjetë. Tifozët e klubit janë dashuruar menjëherë me 25-vjeçarin kurbinas teksa në komentet në faqen zyrtare të Qarabag janë me dhjetra komentet në mbështetje të Xhixhës.  ‘Lojtari më i mirë në vitet e fundit. Është shumë e vështirë të gjesh një lojtar me këmbë të tilla në futboll dhe me një aftësi shënimi me prekjen e parë. Ky futbollist ka një të ardhme të ndritur”, shkruan një tifoz. ‘I vetmi që luajti’, ‘Xhixha dhe Cady afrimet më të mira në vitet e fundit’, ‘Xhixha është zjarr’, janë disa prej komenteve në postin e Qarabag.

 

View this post on Instagram

 

A post shared by Qarabağ FK (@fkqarabagh)