Pas pauzës ndërkombëtare, Tirana do të përballet me Teutën në javën e 29-të të Superiores. Bardheblutë presin në “Air Albania” durrsakët më 29 mars në orën 18:00, një sfidë që ka dhuruar gjithmonë emocione në vitet e fundit.
Kryeqytetasit kërkojnë me çdo kusht 3 pikët për të vazhduar ecurinë e fitoreve pas suksesit dramatik në derbin me Dinamon. Por, nuk do të jetë aspak e lehtë dhe këtë e bëjnë akoma më të vështirë mungesat.
Gledi Mici, Liridon Latifi dhe Leon Kozi kanë plotësuar numrin e kartonëve në sfidën e fundit dhe pezullohen me 1 ndeshje. Kozi ka marrë 3 kartona në Superiore, por 1 tjetër e ka në kampionatin e moshave.
Megjithatë, ka edhe lajme të mira për trajnerin Erbim Fagu. Pas një kohe të gjatë, rikthehet në gatishmëri të plotë mbrojtësi Filip Najdovski, poashtu edhe kapiteni Erjon Hoxhallari shlyen pezullimin.
Lexo gjithashtu
