Skënderbeu është në valën e merkatos së verës, ku po bën goditje të fuqishme. Objektivi i fundit i klubit kampion është as më shumë dhe as më pak, por mesfushori i Kombëtares, Odise Roshi, aktualisht lojtar i Rijekës në kampionatin kroat. “Panorama Sport” shkruan se fakti që menaxheri i futbollistit fierak është Shkumbin Qorrmemeti, mund të sjellë afrimin e tij te Skënderbeu, duke ditur lidhjet që menaxheri në fjalë ka me drejtuesit korçarë. Do të ishte vërtet një goditje e madhe, nëse do të realizohet, por le të presim çfarë do të ndodhë. Roshi ka mbetur vetëm te Rijeka, pasi sulmuesi Bekim Balaj ka kaluar në kampionatin rus.
Poll
Lexo gjithashtu
