Interi siguroi kualifikimin në gjysmnëfinalen e Champions League, teksa mposhti me rezultat të përgjithshëm 5-3 Benfican. Pikërisht të martën të njëjtën gjë kishte bërë edhe rivali i tyre i përjetshëm, Milan. Tashmë në gjysmëfianlen e këtij kompeticioni do të shikojmë përballjen Milan-Inter.
Plot 20 vite pritje dhe “agjërimi”, teksa vetëm këtë sezon u rikthyer një derbi italian në gjysmëfinalen e Champions. Tashmë në Itali të gjithë janë të sigurtë se cilado skuadër do të fitojë betejën e Milanos, sërish finalja e Stambollit do të “flasë” italisht.
Sezoni i fundit kur “Derby della Madonnina” luhej ishte në 2002-2003. Në atë edicion, “kuqezinjtë” triumfuan falë golit në fushën kundërshtare, pasi sfida u mbyll me rezultatin e përgjithshëm 1-1.
Në sfidën e parë, të luajtur më 7 maj 2003, Milan – Inter u mbyll pa gola, ndërsa në sfidën e kthimit, Shevchenko shënoi për “Djallin”, ndërsa Obafemi barazoi për Interin. Milan jo vetëm fitoi në derbi ndaj Interit, por në fund ngriti lart trofeun, teksa në finale mposhti Juventusin.
Milan-Inter vendosen përballë njëra-tjetrës për herë të tretë në histori sa i përket Champions-it, pasi më vonë u përplasen në çerekfinalet e edicionit 2004-2005, ku Milan përsëri u kualifikua.
Lexo gjithashtu
