PSG nuk di të ndalet në Francë. Klubi parizien ka aktivizuar opsionin për blerjen e Nuno Mendes, që ndodhet në huazim. Komunikimi i ka shkuar Sportingut në Portugali që zotëron kartonin e Mendes, me një letër zyrtare nga Parisi dhe gjithçka është zyrtarizuar tashmë.
Shifra që do paguhet është plot 40 milion euro. Mbrojtësi i majtë është vetëm 19 vjeç dhe përfaqëson Portugalinë. Vlen për t’u theksuar se e ardhmja e tij duket e ndritur dhe ai ka nënshkruar deri në qershorin e vitit 2026.
Në 37 ndeshjet që është aktivizuar këtë sezon ka arritur të japë 2 asistë dhe ka fituar çmimin si mbrojtësi më i mirë i majtë në Francë. Mendes shihet si mbrojtësi që do blindojë mbrojtjen në krahun e majtë për vite me radhë.
Poll
Lexo gjithashtu
