Superiorja do të luajë ndeshjet e javës së 28-të ditën e shtunë dhe të diel, më pas do jetë 2 javë pushim. Ky favor për lojtarët vjen për shkak të ndeshjeve që luajnë ekipet kombëtare.
Jo për të gjitha skuadrat është njësoj “përfitimi”. Vllaznia mund të shihet si më e dëmtuara për këtë fakt. Shkodranët po kalojnë formën më të mirë në Superiore dhe duken të pandalshëm. Teksa rivalët kanë bërë hapa fals, shkodranët mund të vazhdonin rrugëtimin drejt vendit të parë.
Një tjetër skuadër që i është ngritur morali në muajin mars është Kukësi. Verilindorët u kualifikuan në gjysmëfinalen e Kupës së Shqipërisë, ndërsa fituan pas disa muajve në Superiore.
Për 8 skuadrat e tjera, kjo mund të shihet si periudha e nevojshme për të pushuar. Kjo për shkak se skuadra si Partizani dhe Tirana vuajnë nga dëmtimet.
Po ashtu ka dhe klube që vuajnë formën e keqe dhe do të ishte e nevojshme për të rikuperuar frymën e grupit. Periudhat e pushimit shpesh herë kanë përcjellë ndryshime në kampionat, teksa mbetet për t’u parë a do jetë dhe ky ai rast.
Lexo gjithashtu
