Chelsea është gati të bëjë një sakrificë të lartë financiare për të nënshkruar me dy futbollistët e Real Madrid, Alvaro Morata dhe James Rodriguez.
Kampionët e Premier League-s kanë ofruar 133 milionë euro për sulmuesin dhe mesfushorin e "Los Blancos".
Morata dhe James kërkohen edhe nga Manchester United, por presidenti i Real Madrid nuk preferon t'i shesë dy 'yjet' e skuadrës së tij te "djajtë e kuq".
Ky, duket se është avantazhi më i madh i Chelsea për të nënshkruar me Moratën dhe James.
Sulmuesi spanjoll, edhe pse nuk ishte titullar fiks te Real Madrid, arriti të shënonte plot 20 herë gjatë sezonit të shkuar, ndërsa James e pa fushën e blertë shumë herë më pak se Morata.
Gjithsesi, trajneri Conte i dëshiron në skuadër dhe me 133 milionë euro në arkat e Realit, Morata dhe James mund të transferohen në Londër.
Lexo gjithashtu
