Debutimi i Haaland në Manchester City ka kaluar çdo pritshmëri pasi në 8 ndeshje me “qytetarët” ka realizuar 12 gola. Këto janë shifra të jashtëzakonshme për një 22 vjeçar, por aspak të habitshme për sulmuesin norvegjez.
Për herë të parë nga ardhja e tij te City, Erling është prononcuar mbi trajnerin Pep Guardiola. Norvegjezi ka folur rreth ekipit dhe ambjentit që ka gjetur në ishull. Haaland u shpreh: "Pak jam i befasuar, por nuk është tronditje sepse i njoh cilësitë e mia dhe të skuadrës ku luaj. Kam shokë të shkëlqyer, është një klub i bukur. Më pëlqen të luaj në këtë stadium. Dhe deri më tani e kemi shijuar. Deri më tani gjithçka po shkon mirë me Guardiolën sepse ai është paksa i çuditshëm në futboll, si unë. Të dy e duam futbollin, ai është i çmendur për të dhe është diçka që mua më pëlqen. Ai gjithmonë mendon se si t'i përmirësojë lojtarët. E komplikuar, por u përpoqa të asimiloj sistemin e lojës sa më shpejt që të jetë e mundur, sepse nuk mund të humbas kohë duke mos bërë asgjë tjetër."
Lexo gjithashtu
