Juventus fitoi dje 0-3 me Malmon në transfertë, për grupet e Champions League. Pas ndeshjes, trajneri Allegri është shprehur i kënaqur për formën, teksa ka cekur se Rabiot ka shumë potencial në mesin e fushës. Me gola të Sandro, Dybala dhe Morata, Juventus buzëqesh pas tre ndeshjeve "jo" në Serie A.
"Debutimi në Champions League nuk është kurrë i lehtë, fitimi i këtyre ndeshjeve është i rëndësishëm. Djemtë kanë qenë mirë, por ne kemi nevojë të përmirësohemi në menaxhimin e lojës. Ishim pak vonë në presionin përpara, tre mesfushorët nuk ishin punësuar së bashku... duhet kohë.
Rabiot ka një motor të jashtëzakonshëm, ai as nuk e di potencialin që ka: teknikisht ai luajti një lojë të mirë, unë jam i lumtur. Szczesny bëri mirë, ashtu si edhe Dybala dhe Morata. Por duhet të vazhdojmë kështu edhe në kampionat, ku kemi për të rikuperuar.
Ne do të luajmë kundër një ekipi në formë të mirë dhe shumë teknik. Fakti që nuk kemi pësuar gol sonte është pozitiv, nga 2 marsi kishim të paktën një gol të pësuar", tha Allegri.
Lexo gjithashtu
