S’ka më dyshime. Briken Calja është kampion bote. Ka qënë vetë peshëngritësi i njohur shqiptar që përmes një postimi në rrjetet sociale ka njoftuar se testet antidoping kanë dalë dhe kanë vërtetetuar pastërtinë e medaljeve historike të Botërorit të fundit, të fituara me djersë. Në shkrimin e tij, Calja shprehet jashtëzakonisht i lumtur për arritjet e këtij viti, të cilat për hir të së vërtetës kanë qënë të shumta dhe kanë bërë krenar shqiptarët kudo që ndodhen.
"Një lajm i mirë mbërriti këtë mëngjes: Testet antidoping dolën duke treguar pastertinë dhe vërtetësinë e medaljeve historike të Botërorit të fundit. Jam jashtëzakonisht i lumtur që medaljet e arit dhe të argjendit çertifikohen si të Shqipërisë, të shqiptarve dhe personalisht të miat. Zyrtarisht Kampion Bote në shkëputje dhe nënkampion në shtytje dhe dygarësh" - shkruan ai.
Lexo gjithashtu
