Shqipëria do të luajë nesër kundër Çekisë, në kuadër të kualifikueseve EURO 2024. Një ndeshje që pritet të “ngrejë peshë” zemrat kuqezi teksa jemi shumë pranë ëndrrës së madhe, kualifikimit në Gjermani.
Takimi është programuar të zhvillohet në orën 20:45 në stadiumin “Air Albania” dhe pritet me mjaft interes nga sportdashësit shqiptarë. Prej javësh impianti modern është “sold out”. Veç stadiumit, në gjendje të mrekullueshme duket edhe tapeti.
Andi Verçani ka bërë një postim në rrjetet sociale, duke treguar “arenën” që do të “luftojnë” kuqezinjtë tanë. E pikërisht aty bie në sy gjendja e mirë e fushës. Drejtori i PR-it në FSHF tregon gjithë stadiumin ku çdo gjë është gati për përballjen spektakolare.
Kujtojmë që Shqipëria gjendet në vendin e parë të klasifikimit me 10 pikë, ndërsa në vend të dytë Çekia me 8 pikë.
[caption id="attachment_709063" align="alignnone" width="676"]
Postimi i Vercanit[/caption]
Lexo gjithashtu
