Lancinet Sidibe ka gjetur menjëherë skuadër të re pas largimit nga Tirana. Mesfushori nga Guinea ishte huazuar sezonin e kaluar te bardheblutë dhe me përfundimin e kampionatit dhe fitimin e titullit kampion ai u rikthye sërish te Besëlidhja që kishte në pronësi kartonin e tij.
Drejtuesit e skuadrës lezhjane vendosën që ta linin të lirë lojtarin dhe sot Sidibe ka firmosur me Ermis Aradippou në kampionatin qiprot.
Një hap përpara në karrierën e 23-vjeçarit që do të luajë këtë sezon në elitën e futbollit të Qipros. Zyrtarizimi është bërë nga vetë skuadra e Ermis në faqen zyrtare teksa bën me dije se Sidibe ka firmosur kontratën e re dhe është prezantuar në ambientet e klubit.
Loading ...
