Tashmë është zyrtare. Sfida mes Granadas së Myrto Uzunit dhe Valencias është shtyrë. Federata e Spanjës ka pranuar kërkesën e skuadrës së Valencias për shtyrjen e ndeshjes.
Shkak është bërë tragjedia e ndodhur në lagjen Campanar, ku një ndërtesë 14-katëshe është përfshirë nga flakët. Si pasojë e kësaj kanë ndërruar jetë 4 persona.
Sfida mes Granadas dhe Valencias ishte parashikuar të luhej ditën e nesërme në orën 14:00, por tashmë shstë shtyrë për një moment të dytë. Ndërkohë për të njëjtën arsye është shtyrë edhe takimi Levante – Andorra që do të luhej ditën e nesërme në orën 21:00.
“Këto janë kohë shumë të vështira. Është një ditë në të cilën futbolli është në prapaskenë, ka gjëra në jetë që kanë shumë më tepër vlerë. Duhet të solidarizohemi me këtë situatë dhe të falënderojmë të gjithë njerëzit që kanë ndihmuar për të shmangur një situatë edhe më të rëndë”, ka deklaruar trajneri i Valencias, Rubén Baraja.
Lexo gjithashtu
