Luis Nani është lojtari më i ri i Venezias në Serie A. Venezia ka depozituar pranë FIGC kontratën e lojtarit portugez, me Nani që largohet nga MLS, aty ku muajt e fundit ishte pjesë e Orlandos.
Ylli anësor i sulmit rikthehet në Itali, pasi më herët ka veshur fanellën e Lazios. Pas Romeros, Venezia ka marrë edhe Nanin, me marrëveshjen që është mbyllur. I dalë nga moshat e Sporting, Nani ka luajtur edhe me Manchester United, Fenerbahce, Valencia apo Orlando.
Me kombëtaren e Portugalisë, Nani ka zhvilluar 112 takime, duke shënuar 23 gola. Venezia godet në merkato, me aftësitë e 35 vjeçarit që nuk vihen në diskutim.
