Thierry Henry largohet nga CF Montreal, skuadër e Major League Soçer në Amerikë. Ish-sulmuesi I njohur firmosi në vitin 2019, ndërsa ditën e sotme ka paraqitur dorëheqjen për arsye familjare. Përmes një postimi në faqen zyrtare, Henry ka zbuluar edhe arsyet e largimit nga CF Montreal.
“Viti i fundit ka qenë jashtëzakonisht i vështirë për mua personalisht. Për shkak të pandemisë në mbarë botën nuk isha në gjendje të shihja fëmijët e mi.
Fatkeqësisht për shkak të kufizimeve të vazhdueshme dhe faktit që do të na duhet të zhvendosemi përsëri në SH.B.A. për disa muaj (të paktën) nuk do të jetë ndryshe.
Ndarja është një sforcim shumë i madh për mua dhe fëmijët e mi. Prandaj me shumë trishtim unë duhet të marr vendimin të kthehem në Londër dhe të largohem nga CF Montreal”, shkruan Henry në postimin e tij.
Montreal ishte skuadra e dytë e Henry si trajner, pasi drejtoi pak më shumë se një vit në Ligue 1 në skuadrën e Monacos në vitin 2018.
Loading ...
