Barcelona dhe Napoli do të luajnë në datën 18 mars ndeshjen e kthimit për raundin e 1/8 në Uefa Champion League. Situata e rënduar nga Coronavirusi dhe shënjimi si zonë e kuqe e gjithë Italisë, ka bërë që ndeshja e programuar për në “Camp Nou” të zhvillohet pa tifozë.
Tanimë është zyrtare, me mediat e të dyja vendeve që e kishin parashikuar diçka të tillë. Organizatorët kanë ndjekur një praktikë që së fundmi është ndjekur në mjaft vende, duke “kyçur” dyert për tifozt dhe zhvillimin e ndeshjeve në mënyrë që gara të mos cënohet 100 përqind. Pas PSG – Dortmund dhe Valencia – Atalanta sot, tanimë zyrtarisht edhe sfida mes Barcelonës dhe Napolit do të luhet pa tifozë.
Loading ...
