Një pjesë e Italisë ndodhet në gjendje të jashtëzakonshme për shkak të përhapjes së Coronavirus në disa zona kryesisht në ato të veriut. Këtë fundjavë disa ndeshje në Seria A u anuluan, ndërsa pritet një vendim përfundimtar për javën që do të vijë.
Përpara ndeshjeve të kampionatit, në mesjavë do të zhvillohen sfidat në arenën ndërkombëtare, ato të Champions League dhe Europa League. Inter do të luajë ndeshjen e kthimit me Ludogorets ditën e enjte në orën 21:00 dhe tashmë është marrë vendimi se sfida do të zhvillohet pa praninë e publikut. Ky vendim drastic vjen për shkak të alarmit që ka përhapur Coronavirus dhe shihet si një masë që të frenojë përhapjen apo infektimin e të tjerëve.