Zyrihu largon Sadikun nga skuadra?

Zyrihu ka zhvilluar ditën e sotme një ndeshje miqësore me skuadrën turke të Galatasarayt. Ky takim është mbyllur me rezultatin 3-0 për miqtë, por ajo që ra në sy ditën e sotme ishte mosaktivizimi i bomberit shqiptar me ekipin Zvicerian.
Shqiptari tjetër  Burim Kukeli u aktivizua për 45 minuta, kurse elbasanasi nuk bënte pjesë fare në formacionin e trajnerit Uli Forte. Nuk dihet se pse trajneri i skuadrës zviceriane ka vendosur mos ta përfshijë elbasanasin në listën e kësaj miqësoreje.
Megjithatë aludimet janë të shumta ku flitet për një transferim të mundshëm të Sadikut në një skuadër tjetër europiane dhe kjo mund të jetë arsyeja e mosaktivizimit të tij. Gjithashtu duhet theksuar që sulmuesi kuqezi nuk bënte pjesë as te lista e lojtarëve të dëmtuar.