Largimi nga Reali i Madridit mund të ketë një anë të mirë për Gareth Bale. Uellsiani nuk preferohet më nga klubi spanjoll, me trajnerin Zinedine Zidane që kërkoi edhe publikisht largimin e tij. Kjo zemëroi agjentin e tij, Jonathan Barnett, por çmendi skuadrat që duan shërbimet e tij.
Plot 1.77 milionë dollarë në javë është oferta që vjen nga Superliga kineze, me Beijing Sinobo Guoan që kërkon ta bëj 30 vjeçarin futbollistin më të paguar në botë.
4 herë fituesi i UEFA Champions League do të shndërrohej kështu në një makineri të vërtetë parash, duke parakaluar edhe një jashtëtokësor si Lionel Messi. Ylli i Barcelonës fiton rreth 900 mijë dollarë në javë.
Në rast se Bale e pranon këtë ofertë, paga vjetore e tij do të kapte shifrat e 92,3 milionë dollarë, pak më pak se shifra që Reali i Madridit pagoi te Tottenham Hotspur për ta marrë në verën e vitit 2013.
Në disfavor të skuadrës kineze është fakti se merkato në Azi mbyllet më 31 korrik dhe nga kjo mund të përfitojë Bayern Munich, Tottenham apo dhe Manchester United.
Loading ...
