Sporti i MMA-së është në zi. Në moshën 18-vjeçare është ndarë nga jeta Victoria Lee. Adoleshentja premtuese në Artet Marciale të Përziera ka ndërruar jetë në mënyrë të papritur në një moshë shumë të re, teksa shkaku i vdekjes së saj nuk është bërë akoma e ditur.
Vdekja e Victoria Lee (3 fitore, asnjë humbje), e cila ndodhi më 26 dhjetor, u konfirmua nga motra e saj, Angela: “Victoria ishte shpirti më i bukur që ka jetuar ndonjëherë. Ajo ishte motra e vogël më e mirë në botë. Vajza më e mirë, mbesa më e mirë dhe tezja më e mire. Shumë na mungon motra e vogël. Më shumë se sa mund ta imagjinosh. Jemi të gjithë të dërrmuar. Sepse një copë jotja ishte në secilin prej nesh dhe kur u larguat, ato copa u grisën. Nuk do të jetë kurrë njësoj”.
“ONE Championship” e konfirmoi vdekjen e luftëtares së re: “Ekipi i ONE Championship është i shkatërruar nga vdekja tragjike e Victoria Lee. Ne u dërgojmë ngushëllimet tona më të thella familjes dhe miqve të saj në këtë moment të vështirë”.
Victoria Leee, e lindur në Hawai, kishte fituar dy medalje të arta radhazi (2019, 2020) në kampionatin botëror për të reja në peshën deri 57 kg.
Lexo gjithashtu
