Shqipëria U-19 është mposhtur 3-2 nga Gjermania U-19, në takimin që u zhvillua në "Selman Stërmasi".
Kuqezinjtë e vegjël pësuan 3 gola që në pjesën e parë, ndërsa u munduan të reagonin në të dytën, por përtej përpjekjeve nuk arritën të shënonin më shumë se dy herë.
Për Gjermaninë shënuan Kohlert në minutën e 8-të, Shmid në minutën e 33-të dhe Baku në të 45-ën.
Ndërkohë që për Shqipërinë U-19, të dy golat i realizoi Agim Zeka, sulmuesi që luan me Skënderbeun, të parin me 11-metërsh në minutën e 78-të, penallti që e fitoi Berisha, ndërsa golin e dytë, Zeka e shënoi në minutën e 91-të.
Kjo ishte ndeshja e dytë për Shqipërinë U-19. Sfidën e parë, kuqezinjtë e humbën ndaj Irlandës me rezultatin 1-0, ndërsa ka mbetur edhe një tjetër ndeshje, ajo ndaj Gjibraltarit.
Lexo gjithashtu
