Kukësi do të zhvillojë fazën përgatitore në Antalia të Turqisë. Skuadra verilindorë do të udhëtojë drejt vendit fqinj më datë 4 janar dhe do të kthehen në Shqipëri më 17 janar.
Do të jenë dy javë impenjative për skuadrën e drejtuar nga trajneri Ernest Gjoka, që e mbylli pjesën e parë të sezonit në vend të parë.
Kampionët e dimrit në Superligë pritet të zhvillojnë disa miqësore në Antalia dhe gjithashtu, stafi teknik do të ketë mundësinë të shohë nga afër lojtarë të rinj që do t’i afrojë në ekip gjatë merkatos së janarit.