Ditën e sotme janë luajtur 4 sfidat e javës së 11-të në Kampionatin shqiptar të volejbollit për meshkuj. Kryesfida e kësaj jave ka qenë ajo mes Partizanit dhe Erzenit i cili ndodhet në vendin e parë. Të kuqtë arritën të triumfonin në Asllan Rusi ndaj Erzenit të vendit të parë duke i mposhtur 3-0 me sete. Partizani ka dominuar ndeshjen gjatë gjithë kohës duke i mbyllur setet 25-22/ 25-23/ 25-19. Në sfidën e sotme për të kuqtë kanë rënë në sy dy lojtarët e huaj Artem Dygtyarenko dhe Stanislav Azarov. Me fitoren e sotme të kuqtë kalojnë Tiranën në renditje duke shkuar 22 pikë dhe ndodhen në vendin e dytë 4 pikë më pak sesa Erzeni (26).
Nga ana tjetër Studenti është mposhtur në shtëpi nga Skënderbeu, 1-3 me sete. Gjithashtu Vllaznia ka fituar ndaj Teutës së vendit të fundit po në transfertë, 0-3 me sete. Ndërsa Farka Volley ka fituar ndaj Elbasanit po 0-3 me sete. Ekipi i Tiranës ka qenë pushim.
Loading ...
