Vllaznia e femrave do të zhvillojë ditën e sotme në orën 18:45 ndeshjen e radhës në “Loro Boriçi”, e vlefshme për UEFA Women’s Champions League, kundër ekipit të PSG. Vajzat shkodrane kanë zhvilluar 3 nga 6 takimet e fazës së grupeve, në një arritje historike për futbollin e femrave në vendin tonë.
Vllaznia nuk ka arritur të grumbullojë asnjë pikë në këto 3 ndeshje duke humbur të gjitha sfidat, por paraqitja e vajzave në fushën e lojës ka qenë për t’u përgëzuar. Ndeshja ndaj PSG pritet të jetë po aq e luftuar sa ajo e sfidës së parë në Paris. Trajneri Nikolin Leka ka zbardhur titullaret e tij për këtë përballje.
Formacionet zyrtare:
Vllaznia: Williams, Popovic, Gjergji, Maliqi, Gjini, Cavanaugh, Franja, Berisha, Ramadani, Doci, Shala
PSG: Picaud, Mengwen, Cascarino, De Almeida, Karachaoui, Fazer, Bachmann, Yang, Diani, Groenen, Martens
