Skuadra e Vllaznisë ka hyrë në një fazë të nxehtë të merkatos verore. Pas rinovimeve me Shtubinën dhe Bardullën, afrimin në skuadër të Olsi Gocaj, sot kuqeblutë e Shkodrës kanë rinovuar me mbrojtësin malazez, Stefan Cicmil. Ai ishte në mëdyshje për të zgjedhur ose jo skuadrën shkodrane, por mesa duket gjithçka është bërë zyrtare ditën e sotme. Në prani të administratorit Gjyrezi dhe të menaxherit te tij Sunjeviç, ai ka firmosur kontratën e re me klubin tonë, çka do të thotë se edhe për sezonin 2016-2017 do të jetë pjesë e Vllaznisë.
