Villareal-Man United do të jetë finalja e madhe e Europa League. Skuadra spanjolle e cila drejtohet nga Emery eleminoi Arsenal pasi fitoi ndeshjen e parë 2-1 dhe barazoi pa gola ndeshjen e kthimit. Një “hakmarrje” për Emery që u shkarkua nga Arsenal dy vite më parë, ndërsa tani dërgoi për herë të parë në histori Villarealin në një finale të Europa League.
Nga ana tjetër, Man United eleminoi Romën falë fitores 6-2 në ndeshjen e parë pasi në të kthimit u mposhtën 3-2. Një shans I artë për “djajtë e kuq” që të shpëtojnë sezonin dhe të mos dalin pa trofe. Finalja e madhe e Europa League do të luhet më 26 maj në “Gdansk Stadium”, në Poloni.
