Lionel Messi është një nga heronjt e Katarit, pasi me Argjentinën u shpallën kampionë të Kupës së Botës. “Pleshti” e fitoi për herë të parë këtë trofe, ndërsa “Albiçelestët” shtuan kështu edhe yllin e tretë në fanelën e tyre. Por diçka interesante na vjen nga Katari v etëm pak ditë pasi Kupa e Botës mbylli siparin e saj. Universiteti i Katarit (QU) njoftoi se do të transferojë dhomën ku ka qëndruar sulmuesi i PSG-së gjatë Kupës së Botës FIFA Katar 2022 në një muze të vogël. Kampusi universitar ishte kampi bazë i kombëtares Albiceleste gjatë 29 ditëve të turneut dhe kishte rregulluar disa detaje për t’i bërë lojtarët të ndiheshin si në shtëpi. Në një video të re të publikuar nga Universiteti i Katarit, ajo tregon kampusin të zbukuruar në ngjyrat blu dhe të bardhë, dhe muret e mbushura me postera të kampionëve të Kupës së Botës, autografet dhe fanellat e tyre. Universiteti i Katarit kishte hapur tre komplekse sportive për ekipin që kishte mundësinë e ushtrimit të sporteve në natyrë, përveç palestrës së brendshme për femra.

Here's a quick tour of La Albiceleste's base camp at Qatar University! The room where the Argentinian captain, Lionel Messi, stayed in during the World Cup will also be turned into a mini museum soon!#Qatar #ARG #Argentina #Qatar2022 #FIFAWorldCup #LaAlbiceleste #LionelMessi pic.twitter.com/0UsdkBvcdX

— The Peninsula Qatar (@PeninsulaQatar) December 27, 2022