Roma ka zhvilluar sot miqësoren e radhës. Të besuarit e Jose Mourinho triumfuan 1-3 ndaj Belenenses, në një 90 minutësh interesant. Më shumë sesa vetë ndeshja do mbahet mend një gafë e bërë nga portieri i romakëve, Rui Patricio, çka bëri që portugezët të kalonin në avantazhin momental.
Në minutën e 15-të, një top i kthyer mbrapa për “gardianin” nuk kontrollohet mirë, çka bën që Ndour të përfitojë dhe të dërgojë topin në rrjetë. Gjithsesi, Roma përmbysi rezultatin, falë golave të Dzeko, Zaniolo dhe Mayoral.
