Florian Marku do rikthehet për ndeshje në Shqipëri pas thuajse 4 vitesh. Boksieri shqiptar do njihet me kundërshtarin javën e ardhshme, ndërsa ndeshja do mbahet në stadiumin “Air Albania”.
Më 25 gusht Marku pret që shkallët e stadiumit të jenë të mbushura në mbështetje të tij, pasi i ka bërë krenarë shqiptarët duke mos humbur asnjë ndeshje. Në videon e mëposhtme boksieri shqiptar kërkon përkrahje, ndërsa premton se do i bëjë të gjithë mbështetësit e tij krenarë.
“Përshëndetje të gjithë shqiptarët kudo që janë. Me datë 25 gusht ndeshem pas 4 vitësh afërsisht në Tiranë. Ju pres të gjithë shqiptarët kudo që janë, të vini të më përkrahni. Shihemi.
Do jetë natë e paharrueshme për të gjithë shqiptarët, kam për t’ju bërë të gjithëve krenarë. Shihemi atje. 25 gusht”, shprehet Marku gjatë videos së postuar.
Lexo gjithashtu
