Roma u shpall kampione e UEFA Conference League, pasi mposhti ekipin e Feyenoord në finalen që u luajt në “Air Albania”, në Tiranë. Rreth 20 mijë tifozë të Romës kanë qenë të pranishëm në kryeqytetin tonë, ndërsa pjesa tjetër, që nuk kishin mundësinë të udhëtonin drejt Shqipërisë, e kanë ndjekur nga “Olimpico”, stadiumin e Romës.
Pikërisht nga ky stadium, janë publikuar pamje pas vërshëllimës finale, ku shihen rreth 50 mijë tifozë që janë futur në fushën e blertë për të festuar suksesin historik.
Roma u rikthye të fitojë një kompeticion europian pas plot 61 vitesh. Me Jose Mourinho në krye, romakët bënë një kompeticion fantastik dhe pas 90 minutave në “Air Albania”, festa ishte e gjitha e tyre.
Goia incontenibile all’#Olimpico
— laroma24.it (@LAROMA24) May 25, 2022
💛❤️ pic.twitter.com/CSkx7ennO0