Kridens Meta ishte gjyqtari kryesor i derbit të së hënës, kur Partizani fitoi 2-1 ndaj Tiranës.
Pas sfidës, klubi bardheblu denoncoi publikisht gjyqtarin nga kryeqyteti për një penallti të pa dhënë në favor të Tiranës dhe për golin e parë të realizuar nga Partizani, i cili duhej anuluar për pozicion të parregullt.
Por, tifozët e Tiranës nuk e kanë harruar ende sfidën kundër Korabit në pjesën e parë të sezonit, kur Kridens Meta nuk akordoi një 11-metërsh në favor të bardhebluve për prekje të topit me dorë në zonë nga ana e Emiliano Çelës.
E njëjta situatë u përsërit edhe në derbin e fundit. Trashi preku topin me dorë në zonë, por për gjyqtarin kryesor Meta e as për atë pas porte, Beqiri, nuk ishte faull dhe rrjedhimisht as 11-metërsh.
Tifozët e Tiranës në rrjetet sociale kanë ripostuar edhe një herë videon për Kridens Metën të postuar disa muaj më parë, pikërisht në takimin kundër Korabit, kur arbitri nga kryeqyteti nuk akordonte një penallti ndaj bardhebluve.
Loading ...
