Ernest Muçi dhe Jurgen Çelhaka kanë shkëlqyer në ndeshjen e sotme që Legia e Varshavës ka luajtur në shtëpi përballë Zrinjski. Sfida e zhvilluar në kuadër të raundit të katërt të fazës së grupeve të Conference League, ekipi i shqiptarëve triumfoi me rezultatin e pastër 2-0.
Golat për polakët u shënuan nga Augustyniak në minutën e 14’ dhe Josue i cili shënoi me penallti në minutën e 30’. Legia i mbylli llogaritë e sfidës që në pjesën e parë. Ndërsa dy shqiptarët që e nisën sfidën titullar zhvilluan një ndeshje perfekte duke qenë një ndihmë për fitoren e ekipit. Çelhaka ishte i pakalueshëm në mesfushë, ndërsa Muçi krijoi shpeshherë raste goli me kundërsulmet e tij dhe driblimet vrastare. . Mesfushori u zëvendësua në minutën e 64’, ndërsa Muçi në minutën 84’.
Me këtë fitore, Legia shkon në vendin e parë me 9 pikë, 3 më shumë se Aston Villa e cila luan në mbrëmje përballë holandezëve të AZ Alkmaar.
DISA NGA MOMENTET E ERNEST MUÇIT GJATË NDESHJES SË SOTME:
Lexo gjithashtu
