Milot Rashica ka shënuar golin e tij të parë me fanellën e Galatasaray. Dardani e nisi ndeshjen e sotme përballë Giresunspor nga stoli duke u inkuadruar në minutën e 70-të në vendin e Dries Mertens kur rezultati ishte 0-2 për Galatasaray.
Në minutën e 89-të, sulmuesi “vodhi” një top të kthyer gabimisht nga kundërshtarët dhe i vetëm përpara portierit nuk e kishte të vështirë të dërgonte topin në rrjetë duke nisur festën e parë si golashënues.
Deri tani Rashica ka zhvilluar 13 ndeshje me turqit duke regjistruar edhe 3 asiste vec këtij goli. I huazuar nga Norwich, dardani 26-vjeçar dëshiron të bindë drejtuesit e Galatasaray për të blerë përfundimisht kartonin e tij.
