Ish-mesfushori i Partizanit, Massanga Matondo është shfaqur protagonist me ekipin e tij Hatayaspor. Këta të fundit po luanin në shtëpi përballë Karagumruk, ndeshjen e vlefshme për javën e 24-të të Superligës turke.
Ndeshja përfundoi me fitoren 3-1 të Hatayspor, teksa dy nga golat u shënuan pikërisht nga ish-i i Partizanit. Matondo shënoi golin e parë për të tijët dhe të parin të sfidës në minutën e 41’. Teksa kur sfida ishte 2-1 në favor të ekipit të tij, Matondo “fiku” kundërshtarët me një gol mjaft të bukur në minutën e 95’.
Ky është goli i 3-të i 24-vjeçarit këtë sezon mes kupës dhe kampionatit turk. Teksa kujtojmë që kalimin nga Partizani te Hatayspor e bëri verën e shkuar, me “Demat” që përfituan 600 mijë euro nga ky operacion.
Golat e Matondos. (VIDEO)
Lexo gjithashtu
