Interi arriti të fitonte në transfertë përballë Salernitanës duke e mposhtur me rezultatin 4-0. Protagonisti i kësaj sfide ishte kapiteni Lautaro Martinez. Sulmuesi argjentinas ishte autori i të katër golave për të tijët duke i dhënë Interit kështu një 3 pikësh mjaft të vlefshëm. Në këtë sfidë kishte minuta edhe për Kristjan Asllanin. Mesfushori shqiptar u hodh në fushë nga Inzaghi në minutën e 54’ të ndeshjes.
Me këtë fitore, Kristjan Asllani dhe Interi marrin kreun e renditjes me 18 pikë të grumbulluara, po aq sa Milani. Por për shkak të sfidës direkte, janë zikaltërit në vendin e parë. Në krahun tjetër Salernitana mbetet në vendin 19-të me vetëm 3 pikë pas 7 ndeshjeve.
