Java e 12 në Premier League ka nisur mbrëmjen e sotme me sfidën midis Norwiç dhe Watfor, e cila ka përfunduar me rezultatin 0-2, për miqtë.
Watford kaloi në avantazh që në minutën e 2 të takimit, me anë të ish sulmuesit të Milanit, Deulofeu, i cili në një aksion personal arrinë të shënoj një gol të bukur për ekipin e tij.
Në fillimin e pjesës së dytë, Watford dyfishon rezultatin me anë të Gray. Protagonist është sërish Deuolofeu i cili harkon bukur në zonë nga krahu i majtë, për Gray dhe ky i fundit shënon një gol të rrallë me thembër.
Lojtari i ndeshjes është zgjedhur pikërisht Deuolofeu, i cili shënoi një gol dhe dha asist në golin e dytë.
Watford me fitoren e sotme, fundos në vend të fundit Norëich ndërsa vetë renditen të 18-tët.
Loading ...
