Boluspor po luan ndaj Altinordu në Ligën e Parë turke. Pjesa e parë përfundoi 1-0 për Boluspor dhe protagonist absolut ishte Bekim Balaj. Sulmuesi kuqezi tundi rrjetën në minutën e 32’ të takimit nga një super goditje jashtë zone.
Gjithçka nisi nga vetë shkodrani në gjysmëfushën e tij. Më pas portieri kundërshtar u gjet i papërgatitur nga “predha” e lëshuar prej Balajt. Për ekipin turk, në ligën e dytë më të rëndësishme të vendit po luan titullar dhe Selmani në portë, ndërsa në stol ndodhet Bregu.