Kupa e Afrikës ka zhvilluar sot ndeshjen e radhës. Tunizia u mposht 0-1 nga Mali, ndërsa në fundin e ndeshjes situata ka qenë tragjikomike. Arbitri nga Zimbabve, Janni Sikazue është bërë protagonist, duke e mbyllur ndeshjen dy herë.
Konfuzioni në fushë ndodhi në minutën e 85, me arbitrin që mbylli ndeshjen e grupit F, edhe pse duheshin pesë minuta nga fundit. Shenjat dhe revolta nga të dyja kampet ka bërë që arbitri të kuptojë se diçka nuk shkon.
Kontrolli i kronometrit ka sjellë kërkimin e ndjesës nga ai, teksa ndeshja ka vijuar sërish. Gallata nuk do ndalej me kaq, teksa në minutën e 89 e 45 sekonda, arbitri ka fërshëllyër sërish fundin e ndeshjes dhe këtë herë nuk ia ka ndërruar njeri mendimin.
Megjithë nëntë zëvendësimet dhe vonesat gjatë lojës, asnjë minutë shtesë në këtë duel, që për më tepër është mbyllur 15 sekonda përpara 90 minutave. Protesta nga Tunizia pas ndeshjes, me arbitrin që është shoqëruar në dhomat e zhveshjes nga forcat e sigurisë. Tanimë mediet ndërkombëtare flasin edhe për trukim të këtij dueli.
Lexo gjithashtu
