Mesfushori i Romës dhe kombëtares së Italisë Daniele De Rossi, po përgatitej të gjuante një këndore në ndeshjen Lyon - Roma e cila u luajt dje dhe nxori fitues vendasit. Tifozët e pa gdhendur të skuadrës franceze hedhin çfarë iu del përpara në drejtim të lojtarit për të mos e lejuar të godasë. Lojtari me sjellje shembullore në këtë rast, nuk simulon ndonjë goditje, nuk reagon ndaj tyre me gjeste dhe provokime. Aty mes sendesh ai shquan një sanduiç të hedhur drejt tij. E merr në dorë bukën, e puth dhe e vendos jashtë fushës me kujdes.
Disa fitojnë në fushë me rezultat, disa të tjerë me vlera njerëzore. De Rossi edhe pse fiton rreth 7 milionë euro në sezon, dikur ka qënë një djalosh i varfër nga Ostia i cili i njeh vlerat e gjërave dhe jo vetëm çmimin e tyre. Në botën ku shumë vdesin nga uria, të tallesh me ushqimin duke e hedhur ngjan aq harbute dhe e shëmtuar. Gjesti i Danieles vlen më shumë se sa të gjitha. Fitore e dinjitetit mbi harbutërinë! Ndiqni videon në vazhdim dhe vlerësoni gjestin fisnik të italianit.
Lexo gjithashtu
