Southampton humbi 2-1 në transfertë me Norwich. Për Shenjtorët minuta mori edhe Armando Broja, që vinte nga një dëmtim. Trajneri Hasenhuttl vendosi të hidhte në fushë sulmuesin në minutën e 57 në vend të Elyounoussi.
Sulmuesi i Kombëtares menjëherë u tregua i rrezikshëm, duke pasur rastet e tij. Edhe pse i mbuluar mirë në zonë, Broja shpërtheu në fundin e ndeshjes, duke u ndalur vetëm nga një brryl i kundërshatrit. Ka qenë minuta e 93 kur Broja rrëmbeu një top në mesin e fushës mes dy kundërshtarëve, për t’iu drejtuar zonës.
I shkathët në dyluftim dhe i fortë me topin në këmbë, Broja u ndal me faull në momentin kur po i drejtohej zonës. Edhe pse Southampton u mposht në transfertë, lajmi i mirë për Brojën është kthimi nga lëndimi.
Poll
Lexo gjithashtu
